د افغانستان طبي شورا لخوا د امیري کمپلکس په روغتون کې د طبي اخلاقو او طبي شکایتونو ته درسېدنې پروسې په اړه د پوهاوي یو ورځینی پرګرام تر سره شو.
د افغانستان طبي شورا او کورنیو چارو وزارت ترمنځ د همکاریو تفاهمنامه لاسلیک شوه!
د افغانستان طبي شورا او کورنیو چارو وزارت ترمنځ د طبي شکایتونو او ډاکټرانو مصونیت په برخه کې د همکاریو تفاهمنامه د طبي شورا رئيس ډاکټر ګل محمد عثمان او د کورنیو چارو وزارت مرستیال مولوي فیض الله جمال حقاني له لوري لاسلیک شوه.
د افغانستان طبي شورا د لوړو زده کړو محترم وزارت او د ازموینو محترمې ملي ادارې څخه مننه کوي چې د دولتي ازموینې (اګزیټ اګزام) د اخیستلو په بیلابیلو پړاوونو کې یې له دې ادارې سره همکاري کړې ده، چې د رب العالمین په توفیق سره موږ ټول په دې وتوانېدو چې داسې آزموینه واخلو چې په هغه کې شفافیت او حساب ورکونې ته زمینه برابره شوې وه. د خدای تعالی له درباره ډير شکر ګزار یو چې د بندګۍ داسې یوه آزموینه چې په هغه کې مو د خپل مسلک او دین پور اداء کړی وي، په بریالیتوب سره سرته ورسوو.
ټاکل شوې ده د افغانستان طبي شورا دولتي آزموینه د روان ۱۴۰۱ کال د سلواغې میاشتې په ۲۹ مه نېټه واخیستل شي.
د افغانستان طبي شورا د دولتي آزموینې د نوم ليکنې لړۍ پای ته ورسېده.